«مش زيادة إصابة.. دي زيادة وعي» دكتور هشام توفيق يفجّر مفاجأة حول انتشار الأورام في مصر
كشف الدكتور هشام توفيق رئيس مؤتمر "FOCUS 7 Delta4" ، سبب انتشار الاورام في مصر الفترة الاخيرة
وقال الدكتور هشام لكاميرا البيان نيوز: انا عاوز اقول حاجة هو احنا مش عاوزين نقول ان الاورام انتشرت انتشار كبير في مصر وكده بالارقام لا الكلام ده هو بس اللي حصل ان احنا وسائل الكشف اه بقت حديثة فبقينا بنكتشف الحالات مع وعي الناس برضو فاحنا بالعكس هنقول دلوقتي ان الحالات بتم اكتشافها مبكرة نتيجة لان يعني مبادرات الدولة الرئيسية اللي هي بتعملها في هذا المجال فبقى في وعي مع الوعي.
واضاف هشام: مع الكشف المبكر بقت الحالات دي بتبان الحالات دي ممكن ما كانتش ما حدش عارف عنها حاجة بالعكس دلوقتي احنا بقينا عارفين الحالات دي من خلال الوعي ومن خلال الكشف المبكر كله والنتايج دلوقتي بقت احسن من الاول بكتير جدا نتيجة للكشف المبكر. ونتيجة لتوفير كل وسائل التشخيص والعلاج.
ومؤتمر FOCUS 7 Delta4" ، ينظمه جمعية أصدقاء مرضى الأورام بمستشفيات جامعة طنطا، بحضور الدكتور فؤاد هراس رئيس جامعة طنطا الأسبق ورئيس الجمعية سابقا، ولفيف من الاساتذة والخبراء المتخصصين في علاج الأورام محليا ودوليا.
شهد المؤتمر مشاركة واسعة تجاوزت 300 مشارك، بينهم 75 من أكبر أساتذة الأورام في مصر، كما شهد المؤتمر ايضا عرض من المبادرة الرئاسية الثانية للأورام والخاصة بالكشف المبكر عن اورام الرئه والقولون والبرستاتا وعنق الرحم، كما شهدت فاعليات المؤتمر مسابقة لعرض الحالات من شباب الأطباء.
