• الرئيسية
• فن

كشفت الفنانة ناهد السباعي عن كواليس مشاركتها في فيلم "السادة الأفاضل"، مؤكدة أن أهمية الدور لا تُقاس بمساحته بل بتأثيره داخل العمل.

وقالت ناهد خلال لقائها مع الإعلامية لميس الحديدي في برنامج "الصورة" على قناة النهار: “الفيلم مش لفنان بعينه، هو عمل جماعي، كل شخصية ليها تأثيرها في الحكاية، ولو دوري ماكنش مؤثر ماكنتش شاركت فيه. التضفيرة الدرامية للفيلم متشابكة جدًا، وده اللي خلاني أتحمس له.”

وأضافت: “كان نفسي أشتغل مع المخرج كريم الشناوي، وده الحلم اتحقق، لأنه بيخلي الممثل يحس إن دوره أهم دور، مهما كانت مساحته. وأنا في الفيلم ماحستش إن دوري صغير أو كبير، لأن الأحداث كلها بتحصل في يوم واحد، وكل الشخصيات متداخلة.”

وتابعت مازحة عن أجواء التصوير: “كنا مجموعة كبيرة من الفنانين، وكان في حالة حماس وانبهار بينا، كنا بنقول لبعض: (إيه ده! إنت معانا؟)، الجو كان فيه هيصة جميلة.”

وعن مشهد الخناقة الشهير في الفيلم قالت ضاحكة:“الناس فاكرة إني كنت بهجم، لكن الحقيقة أنا اللي اتضربت”

وختمت ناهد حديثها بالتأكيد أن "السادة الأفاضل" عمل استثنائي من حيث الفكرة والتنفيذ، يجمع بين نخبة من الفنانين في قصة إنسانية متشابكة تدور في يوم واحد فقط.