• الرئيسية
• البيان tv

أكد الفنان أشرف عبد الباقي أن فيلمه الجديد "السادة الأفاضل" يُعد تجربة مختلفة ومليئة بالتفاصيل الصعبة والمتشابكة، مشيرًا إلى أنه واحد من أكثر الأعمال تميزًا التي شارك فيها خلال مسيرته.

وقال عبد الباقي خلال لقائه مع الإعلامية لميس الحديدي في برنامج "الصورة" على شاشة "النهار":"أي حد هيقرأ سيناريو الفيلم هيحس فورًا إنه مش عمل عادي، فيه شبكة معقدة من الشخصيات المتداخلة اللي كلها مكملة لبعض، مفيش شخصية تقدر تشيل التانية، والتضفيرة بين الأحداث مكتوبة بشياكة عالية جدًا."

وأضاف:"الكتابة دقيقة جدًا، وكل العلاقات مترابطة للنهاية، وده نادر جدًا نلاقيه بالشكل ده في السينما، العمل جماعي بحق، ومفيش دور أقل من التاني."

وتحدث عن اللوك الذي أثار الجدل قائلاً:"فعلاً حلقت شعري من النص وطولت الجانبين مع اللحية، علشان أقدم شكل جديد تمامًا ماعملتوش قبل كده، المخرج كريم الشناوي ساعدني جدًا في إبراز تفاصيل الشخصية، من طريقة الكلام للحركة والتصرف، والصراحة الدور يستحق إن الواحد يحلق له"

وعن أجواء الكواليس، مازح عبد الباقي قائلًا إنه كان يحرص على تحضير الإفطار يوميًا لزملائه في التصوير، مضيفًا بابتسامة:"كنت بعمل ساندوتشات خفيفة كده."

ليتدخل الفنان طه الدسوقي ضاحكًا ويكشف التفاصيل قائلاً:"كل يوم الصبح صينية جبنة رومي وبيضا بالجرجير والليمون، ومعاها حلاوة بالموز والقشطة والعسل" لترد لميس الحديدي مازحة: "ده سكلانس يا جماعة"