تامر فرج يكشف صراعه مع الواقع قبل دخول عالم الفن
تحدث الفنان تامر فرج عن المراحل المتعددة التي مر بها قبل دخوله عالم التمثيل، موضحًا أن الطريق لم يكن سهلاً، وأنه واجه العديد من التحديات والعثرات التي كادت أن تثنيه عن متابعة حلمه، لكنه رفض الاستسلام وتمسك بالسعي وراء تحقيق حلمه في الفن.
محطات تامر فرج قبل التمثيل
وقال تامر خلال استضافته في بودكاست "وفيها إيه" على منصة ستوري بالعربي:"اشتغلت مرشد سياحي لمدة 15 سنة، وكنت مستقر جدًا ووصلت للسقف، ومكنتش فيه طموح تاني عندي في الحتة دي وابتديت أشوف حلمي اللي هو إني أكون ممثل، والحقيقة هو مجاليش على طبق من فضة."
وأضاف تامر أنه عمل في محافظة شرم الشيخ بالتوازي مع فترة دراسته الجامعية، قائلًا: "سافرت شرم الشيخ سنة 1995، وقتها كانت لسه صحراء والشغل صعب جدًا أوقات كنت أسأل نفسي: بتعمل كده ليه؟ كنت عايش في شقة مع 9 أو 10 أشخاص ومفيهاش سراير، كنا بننام على الأرض بعد شوية اشتغلت مرشد سياحي والدنيا بقت ظريفة، لحد ما حصل لي drop لما غيرت المجال."
العمل في الكول سنتر كمرحلة انتقالية
وأشار تامر إلى الفترة الانتقالية بعد تركه عمل الإرشاد السياحي وقبل دخوله التمثيل، قائلاً: "بدأت أدور على شغل تاني عشان يكون فيه مصدر دخل ثابت لحد ما أستقر وأثبت رجلي في الفن اشتغلت كول سنتر بما إني بتقن اللغة الفرنسية، وقلت: وفيها إيه؟"
وتابع تامر: "الموضوع كان جديد عليا، مكنش عندي مدير قبل المحطة دي، بس قررت أجرب لما قدمت رفضوني لأنهم شافوا إني Overqualified، ولما كلمت المديرة أفهم ليه قالتلي: إحنا مش عايزين مدير، إحنا عايزين موظفين وكانت أصغر مني، بس قولت لها ماشي، أبدأ وأتعلم في كاريير جديد."
وأضاف: "فرق الخبرة بيعمل فرق، وقدرتي على الاستيعاب كانت أعلى من زميلي الأصغر، وباقي الزملاء كانوا بينادوني 'بابا' وكنت متفهم الموضوع أكتر الشغل في الكول سنتر كان في مجال السياحة وده ساعدني أحتضن زملائي وأتعامل مع خبرتي السابقة."
