أزمة ثقة وفقدان التريند.. تامر فرج يتحدث بصراحة عن مسيرته الفنية
كشف الفنان تامر فرج عن تفاصيل الصدمة التي عاشها بعد نجاحه الكبير في أدوار البطولة بمسلسلي "الآنسة فرح" و"بطلوع الروح"، موضحًا سبب شعوره بانخفاض فرصه في الحصول على أدوار البطولة بعد هذه الأعمال رغم الأداء المميز الذي قدمه.
تصريحات تامر فرج
وقال تامر خلال استضافته في بودكاست "وفيها إيه" على منصة ستوري بالعربي: "حصلي أزمة ثقة في نفسي بعد ما عملت كمية أعمال قوية جدًا وأظهرتني زي الآنسة فرح وطلعت روحي بشخصية بكير الحلواني، وبقيت أقول: إزاي بعد عملين بالشكل ده ما تصعّدش إلى مستوى جديد والمنتجين يثقوا فيّا ويدوني أدوار بطولة أكبر؟ هل إمكانياتي وحشة؟"
وأضاف تامر: "أدركت إن ده حصل لأن مكنش فيه تسليط إعلامي عليّا، دلوقتي الواحد عشان يبقى نجم ومعروف مش بس الموهبة هي المهمة، لكن هل عندك أضواء، هل أنت تريند على السوشيال ميديا؟ أنا مطلعتش تريند بعد الفرص دي، وبسبب كده المنحنى بتاعي نزل، هنا عيدت حساباتي وفهمت إني ماشي بمجهودي بس ومش بالطريقة الصح."
تامر فرج: العمل الجيد يجلب الاهتمام
وأشار تامر إلى عادته منذ البداية، قائلاً: "اتعودت طول عمري إن لما أعمل شغل حلو الناس تطلبني بعده. حتى لما كنت شغال مرشد سياحي، ما كنتش بروح أطلب شغل من شركات السياحة، دلوقتي مبعرفش أطلب شغل، ومبعرفش أستخدم السوشيال ميديا بالشكل الصح، ومش هبقى فنان عشان عدد المتابعين بتوعي، وده سبب أزمة الثقة في أدواتي ومش هعرف أحلها للأسف."
