• الرئيسية
• فن

خرج محمد عبدالوهاب، شقيق الفنانة شيرين عبد الوهاب، عن صمته ليضع حدًا لسيل الشائعات المتداولة حول الحالة الصحية والنفسية لشقيقته خلال الأيام الماضية، معبرًا عن غضبه الشديد من الزج باسمها في أخبار وصفها بالمغلوطة والمغرضة.

وكتب شقيق شيرين عبر حسابه الشخصي على فيسبوك رسالة حادة اللهجة قال فيها:«اتقوا الله وسيبوها في حالها، وسيبوا الناس اللي بتحبها بجد تساعدها، ومعلوم مين ورا كل اللي بيحصل، ومين مش عايزها تبقى كويسة ولا حد يساعدها»، قبل أن يختتم كلماته بالدعاء:«حسبي الله ونعم الوكيل».

وفي تطور متصل، فجّر الإعلامي عمرو أديب مفاجأة قوية بشأن أزمة شيرين، مؤكدًا أن كل ما تم تداوله مؤخرًا حول حالتها غير صحيح على الإطلاق.

وقال عمرو أديب خلال برنامجه «الحكاية» المذاع على قناة MBC مصر:«مفيش معلومة واحدة طلعت امبارح عن شيرين صح.. وكل اللي اتقال امبارح والنهارده غلط»، مشددًا على أن ما يتم تداوله لا يستند إلى حقائق واضحة.

وأضاف أديب:«كل أملي إن شيرين تكون كويسة، لكن ناس قريبة منها بتتكلم عن أمور معقدة»، في إشارة إلى حساسية الوضع الذي تمر به الفنانة.

وفي السياق ذاته، طالب الشاعر تامر حسين بتدخل الدولة بشكل عاجل لرعاية شيرين عبد الوهاب، بعيدًا عن المزايدات والمتاجرة باسمها، مؤكدًا أن حالتها تتطلب إشرافًا طبيًا صارمًا.

وكتب تامر حسين عبر حسابه على منصة إكس:«اللي عايز شيرين تبقى كويسة بجد يناشد الدولة ترعاها، وتفضل تحت عينهم مدة لا تقل عن 6 شهور في مستشفيات تابعة للدولة، مش برعاية أصدقاء أو زملاء مهما كانت نواياهم طيبة».

وأضاف مؤكدًا:«شيرين محتاجة رقابة ورعاية شديدة، ومنع أي حد من الاقتراب منها لحد ما تتعافى، غير كده هنفضل نلف في نفس الدايرة.. محدش هيقوم شيرين غير شيرين نفسها والدولة، وربنا فوق الجميع».