• الرئيسية
• فن

حرصت الفنانة لبلبة على توجيه كلمة مؤثرة للمخرج الكبير محمد عبد العزيز خلال ندوة تكريمه ضمن فعاليات مهرجان القاهرة السينمائي الدولي، واصفة إياه بـ"أستاذها العظيم" وصاحب الفضل الكبير في مسيرتها الفنية، قائلة: "ألف مبروك يا أستاذي يا عظيم، تستاهل تكريمات الدنيا كله".

لقاء غير متوقع فتح لها أبواب السينما

كشفت لبلبة عن دور الفنانة ماجدة الخطيب في تقديمها لأول مرة لمحمد عبد العزيز، قائلة: "جابتني مكتبها وقالت له دي هتبقى شادية الصغيرة، وقدمني في فيلم (في الصيف لازم نحب) وسط نخبة من العظماء، وخلاني أغني غنوة بحبها جدًا 'لو نحب دا شيء طبيعي'، واللي محبش يبقى مش طبيعي".

محمد عبد العزيز مثال للانضباط والاحتراف

وأضافت لبلبة: "بعد كده شُرفت بالشغل معاه، وكان بيعامل كل الأبطال بالحب والاهتمام، انبسطت في الشغل معاه لأنه كان منضبط جدًا. المخرج كان يقولنا نلبس إيه، ولما يختار فستان واحد كنت أجيب ثلاثة! علّمني أستاذ محمد إزاي أقدّم الكوميديا".

الكوميديا الحقيقية تأتي من الصدق

وتحدثت لبلبة عن تجربتها في فيلم (البعض يذهب للمأذون مرتين): "قال لي: قولي الجملة عادي جدًا، مش كأنك بتعملي كوميدي، علّمني إن الضحك ييجي من الصدق، مش من المبالغة. ومن هنا الناس تضحك أو لا، المهم نقدم الشخصية مظبوطة".

أول بطولة مطلقة: نجاح أثبت موهبتها

واختتمت لبلبة حديثها بالحديث عن أول بطولة مطلقة لها في فيلم (خلي بالك من جيرانك): "عمري ما أنسى إنه السبب في أول بطولة مطلقة ليا، وجازف بيا ونجحنا الحمد لله، علّمني حاجات كتير زي إني ما أهز راسي في المشهد الكلوز، وإزاي أمشي على إيقاع الكوميديا الطبيعي، وأنا لحد دلوقتي ماشية على كلام أستاذي، ليك فضل كبير عليا، وألف مبروك لحضرتك".

مهرجان القاهرة السينمائي الـ46 يقدم تجربة سينمائية متنوعة

تضم قائمة الأفلام المشاركة في الدورة الـ46 من مهرجان القاهرة التي تُقام في الفترة من 12 إلى 21 نوفمبر نحو 150 فيلمًا من مختلف أنحاء العالم، موزعة على 11 مسابقة وبرنامجًا مختلفًا، لتقدم تجربة سينمائية مميزة للجمهور والنقاد.

توزيع الأفلام حسب البرامج:

المسابقة الدولية: 14 فيلمًا

القسم الرسمي خارج المسابقة: 15 فيلمًا

مسابقة أسبوع النقاد: 8 أفلام

مسابقة آفاق السينما العربية: 9 أفلام

مسابقة الأفلام القصيرة: 24 فيلمًا

برنامج العروض الخاصة: 18 فيلمًا

البانوراما الدولية: 18 فيلمًا

برنامج عروض منتصف الليل: 5 أفلام

برنامج كلاسيكيات القاهرة: 12 فيلمًا

برنامج الأفلام المصرية المرممة: 21 فيلمًا

برنامج البانوراما المصرية خارج المسابقة: 6 أفلام