• الرئيسية
• فن

تصدرت الفنانة ميسرة مؤشرات البحث خلال الساعات الماضية، بعد كشفها عن تجربة مريرة مع عملية تجميل فاشلة، حذّرت من خلالها الجمهور من مخاطر هذه العمليات، وذلك خلال لقائها في برنامج «ست ستات».

روت ميسرة تفاصيل ما حدث قائلة: «عملت حقن دهون في وشي، لكن الحقنة كانت مش معقمة، وكان فيها بكتيريا منتشرة في المستشفيات، بتعيش على الوش والأسنان، لكن لو دخلت واتقفلت بتعمل حالات تسمم».

وأضافت: «الدكتور قالي لازم ننزل اللي اتحقن ووشي هيرجع زي الأول، لكني رفضت، ورحت لدكتور تاني أكبر من الأول، ولما شاف التحاليل قالي مش محتاجة أعمل حاجة، بس للأسف حصل تسمم في جسمي بالكامل، واتنقلت المستشفى وقعدت 10 أيام بينضفوا جسمي، وبعدها شهور طويلة علاج».

رسالة تحذير قوية

وجّهت ميسرة رسالة صريحة لكل من يفكر في الخضوع لعمليات التجميل قائلة: «موضوع التجميل بقى هوس للبنات والرجالة، لكن اعملي اللي محتاجاه فعلاً، لو مش محتاجة بلاش تفلسفة لأنها هتنقلب عليكي بالعكس.

خليكي بسيطة، واسألي كويس قبل أي خطوة، ومش لازم يكون اسم الدكتور كبير، أهم حاجة يكون متخصص، وبلاش مراكز التجميل اللي بتدي حقن بدون رقابة».

آخر أعمالها الفنية

يُذكر أن آخر ظهور درامي للفنانة ميسرة كان في مسلسل «سره الباتع» الذي عُرض في رمضان 2023، وهو عمل درامي تاريخي يتناول قصة «حامد» الأسطورية في زمن الحملة الفرنسية على مصر.

تدور الأحداث بين الماضي والحاضر، حيث يحاول شاب معاصر فك لغز شخصية حامد التاريخية واكتشاف أسرارها الغامضة التي تركت بصمة في التاريخ المصري.