• الرئيسية
• فن

فاجئت رانيا يوسف جمهورها بلقطات تجمعها بالمخرج المنفذ أحمد جمال، الذي شارك في مسلسلها الأخير "نص الشعب اسمه محمد"، وظهرت في لقطات معه خلال حضورها حفل زفاف ابنة بيومي فؤاد لتعلن عن زيجاتها الجديدة لجمهورها.

ويبدو أن هناك قصة حب بين الطرفين وقعت، توجت بهذا الزواج، وفي هذه السطور ننشر تصريحات سابقة لـ رانيا يوسف تكشف خلالها السبب وراء فشل زيجاتها السابقة، خاصة إنها سبق وصرحت إنها تعلمت من الأخطاء السابقة، وستتفادها في حياتها القادمة، وعلى المرتبط بها أن يتفهم ما تريده من أجل نجاح هذه الزيجة واستمرارها.

هما دول السبب

وصرحت رانيا في لقاء إعلامي عن السبب وراء فشل زيجاتها الأخيرة، والتي لم تستمر سوى أربعة أشهر، وقالت: حماتي السبب، هي مكنتش بترخم عليا غير مرة واحدة بس دي كانت كفاية جدًا، ولكن ليس بالشكل الذي ظهر في الحموات في مسلسل نص الشعب اسمه محمد، بس كان لها دور كبير في إنهاء زواجي الأخير.

وتابعت: التدخلات العائلية تكون أهم الأسباب في فشل العلاقة بين الزوجين في المجتمعات الشرقية، والطلاق يأتي نتاج تراكمات سببها الأسرة، 90% من أسباب الطلاق في مجتمعاتنا سببها الأم.. يا إما أم البنت، يا إما أم الولد التدخلات دي ممكن تفسد حياة كانت ماشية كويس جدًا.

وأكملت: للأسف الزوجة في أوقات كتير بتسمع كلام أمها حتى لو خطاء، أو الأم بتكون مفهماها مفاهيم مغلوطة عن الحياة الزوجية، والنتيجة إنها بتتخذ قرارات غير مناسبة ومبنية على تجارب أو أفكار قديمة مش دايمًا مناسبة للواقع الحالي.

لو عايز الجوازة تكمل.. إزاي ترضي رانيا يوسف

كشفت رانيا يوسف عن الأسباب التي تدفعها للاستمرار في العلاقة في أحد لقائتها الإعلامية، قائلة: لازم يكون روحه مناسبة لروحي، ويكون بيحب رانيا بجد مش ينبهر برانيا في فرق كبير، لازم يبقى فاهم دماغي وتصرفاتي وفاهم أنا متربية إزاي والحاجات دي بتيجي بالعشرة.

رانيا يوسف عن فشل زيجاتها: بلبس في الحيط

وعن السر وراء فشل زيجاتها السابقة، قالت: " أنا كده كده بلبس في حيط، ولكن عملت اللي عليا وجربت، والسبب وراء ذلك إني ست مش قوية، وتظهر قوتي فقط في قراراتي وتفاصيل وحاجات خاصة بشغلي وبناتي، لكن بالنسبة لعلاقتي بالرجل أنا بعطي له زمام الأمور أو بوهمه بأني أفعل ذلك وبحسسه أنه سي السيد، وفشل العلاقة هو لأننا مانعرفش بعض كويس أوي قبل الزواج.

رانيا يوسف: لسه معملتش الرقم القياسي

في تصريحات سابقة عللت رانيا يوسف السر وراء تكرار الزواج ، رغم فشل أكثر من زيجة لها، قائلة في تصريحاتها: تمنيت لو لم أتزوج للمرة الثانية والثالثة، وللأسف فشلت في الجوازات، وفيه زميلات فشلوا في 5 و7 جوازات، أنا لسه معملتش الرقم القياسي بتاعهم.

رانيا يوسف: انا مش بتاعت فلوس واتخدعت في الراجل ده

وكشفت عن سر فشل الزيجة الثانية، قائلة: "لما اتجوزت زوجي الثاني بعد أبو بناتي كانت نيتي معاه كويسة جدا وكنت شايفاه كويس جدا بس للأسف اتخدعت فيه ومفيش جوازة اتجوزتها كان فيها الراجل غني وأنا مش بتاعة فلوس ومش هتجوز راجل غني وطليقي المنتج محمد مختار مكنش غني ولا حاجة".

رانيا يوسف: خفت على سمعتي

وتحدثت أيضًا في تصريحات عن فشل الزيجة الثانية والثالثة، قائلة: كانوا لأسباب شخصية لما حصل الإنفصال بيني وبين محمد مختار خفت على سمعتي وكلام الناس وعندي بنات وأنا لسه صغيرة وكان فيه إلحاح من أهلي اني لسه صغيرة ولازم تتجوزي بس وقفت العداد عند الجوازة الثالثة.

تراجعت عن موقفها

تزوجت رانيا يوسف من المنتج محمد مختار ثم تزوجت من رجل الأعمال كريم الشبراوي وانتهت الزيجة بعد فترة قصيرة، ثم تزوجت للمرة الثالثة رجل الأعمال طارق العزب، وبعدها أعلنت عدم الزواج مرة أخرى، لتعلن الأن عن الزيجة الرابعة من المخرج أحمد جمال، لكن تصريحاتها السابقة قالت فيها: "أنا مش هتجوز تاني لأن الجواز عايز عقل وأنا مش طول الوقت هشغل عقلي في كل جوازة".