”مش هرد على الشخص ده وهذه رسالتي لتركي ال شيخ”.. تصريحات نارية ليوسف وائل نور وتكشف سر انبساطه
عبر الفنان يوسف وائل نور عن سعادته بحضور تكريمه بمهرجان همسة للآداب والفنون في دورته الـ 13 والتي تحمل اسم الفنان الراحل سامي العدل.
وقال يوسف وائل نور لـ «البيان نيوز»: " مبسوط قوي بتكريمي في مهرجان همسة الدولي للاداب والفنون لان اول تكريم بيجلنا بنبقي حاسين ان احنا مبسوطين فالتكريم غالي جدا جدا علي قلبي وبجد مبسوط جدا جدا "
وحرص يوسف وائل نور علي التعبير عن رايه في تصريحات سالوم حداد، قائلا:"ما سمعتش هو قال اى بالضبط ولكن في الحقيقة المصريين بيعرفوا يمثلوا لغة عربية فصحي دقيقة.
اما بالنسبة لقرار استغناء تركي الشيخ السنه دي عن الفنانين المصرين في في موسم الرياض، قال: "ضايقني جدا لان في الحقيقه احنا كعرب لازم نبقا واقفين جمب بعض سواء في الفن او غيره، والفن هو خليط من كل البلاد، احنا متعودين عليه من سنين، الفن ما بيبقاش في دوله واحده لا كلنا بنشترك بس عشان الفن ".
وإضاف يوسف:" في نصايح وحاحات كتير اتعلمتها من أبويا الله يرحمه ولكن انا مبسوط جدا ان الناس بتتكلم عليه و بتدعيله دي اكتر حاجه بتبسطني قوي الحقيقه بابا هتلاقيه علي طول في نصايح مالهاش علاقه ممكن تكون بالفن بس طبعا وانا اتعلمت منه كتير".
واستكمل يوسف: "أول أجر أخدته في أول عمل مش فاكر كان كام بس افتكر ان ماما اخدته لاني مثلت وانا صغير قوي فاخدته و حطته في حسابي و كانت بتجبلي اي حاجه عاوزها بس اخدته يعني ما ضحكوش عليا كان تشجيع منها، لما بزعل او أضايق بروح لـ اهلي اللى هما مامتي و صحاب الناس الطبيعيه الي احنا بنرحلها".
وأوضح يوسف وائل نور: " الإشاعة اللي طالعه عليا غلط هو ان جدتي هي الاستاذة عزيزة راشد انا يشرفني دا وانه يرتبط اسمي بإسمها بس في الحقيقي هي مش جدتي، وكنت اتمني انها تكون جدتي بس مفيش اى صلة قرابه بينا، ولو يرجع بيا الزمن احب اني اوقفه عند اللحظات الحلوة مع كل اللى بحبهم واولهم ابويا وكل الناس اللى افتقدتهم ".
واختتم يوسف حديثه عن كواليس آخر أعماله، قائلا: "مسلسل فات المعاد كلنا كنا شباب فكنا طول الوقت و احنا بنهزر و نضحك وقت الكواليس كانت حلوه،اما بالنسبه لمسلسل الحالانجي مع استاذ محمد رجب انا بحبه قوي و بتبسط لما بيبقي في اي حاجه معاه، ودا تاني مره ابقا معه في مسلسل، وفي نجوم كتير مثلت معهم وبحبهم زي احمد حلمي و كريم عبدالعزيز، احمد عز، مني ذكي، فنانين كتير"