بسنت النبراوي: أرفض الإغراء والقبلات.. وصديقتي عايرتني بعدم الإنجاب
كشفت الفنانة بسنت النبراوي عن موقفها الصارم من أدوار الإغراء والمشاهد الجريئة، مؤكدة رفضها التام لتقديم أي دور يتضمن قبلات أو مشاهد لا تراعي براءة الأطفال، مؤكدة أنها تحرص على أن تكون أعمالها مناسبة لجميع أفراد الأسرة.
وقالت بسنت خلال مداخلة هاتفية مع الإعلامية نهال طايل في برنامج تفاصيل على قناة صدى البلد 2:
> "أنا برفض أدوار الإغراء، مش علشان الناس كلها لازم تقتنع بيّا، لكن علشان مفيش حد يضطر يغير القناة لو ظهر مشهد غير لائق، خصوصًا لو الأطفال موجودين. أنا بحب أعمل حاجة تنفع الكبير والصغير يشوفها."
وفي سياق آخر، تحدثت بسنت عن أزمة شخصية مؤثرة مرت بها مع إحدى صديقاتها، والتي تسببت لها في جرح نفسي عميق، حيث قالت "صاحبتي عايرتني لأني مش بخلف، وقالت إني بحسد بنتها، وهي كانت قاصدة تجرحني علشان غيرتها مني، رغم إن أنا مؤمنة إن كل حاجة بإيد ربنا."
وأضافت النبراوي "أنا مش مسامحاها، وحسبي الله ونعم الوكيل فيها. اللي يعاير حد بحاجة، ممكن ربنا يبتليه بيها. يمكن ربنا مانع عني الخلفة لحكمة، علشان مفيش طفل يتعب أو يعاني. وبطلب من ربنا يرزقني في يوم وليلة."
واختتمت حديثها مؤكدة أن تلك الصديقة لم تحاول الاعتذار أو إصلاح ما حدث، بل استمرت في التحدث عنها بسوء، مما دفع الكثيرين للابتعاد عنها بسبب أسلوبها وتصرفاتها.