• الرئيسية
• فن

أغلقت أسما شريف منير التعليقات على البوست، الذي نشرته عبر حسابها الشخصي على موقع تبادل الصور والفيديوهات الشهير إنستجرام، الذي أعلنت خلاله ارتدائها الحجاب.

أسما: دي الخطوة الصح

وعلقت على البوست الذي نشرته، قائلة: الحمد لله مكنش عندي غير طرحة واحدة وطقم واحد بس يليق بالخطوة دي، بس كنت حاسة من جوايا إن دي الخطوة الصح، الحجاب مش مجرد لبس ده قرار من القلب، عهد بيني وبين ربنا، وراحة لا توصف، ادعولي بالثبات ومحتاجة أماكن للبس حلوة تساعدني علي الخطوة دي.

دعم نجمات الفن

وقبل أن تقيد المنشور الذي نشرته، حرصت عدد من نجمات الفن على دعمها ومنهم هنا الزاهد، وشيماء سيف التي هنئتها على هذه الخطوة، قائلة: “مبروك يا حبيبتي ربنا يديم نعمه عليكي وعقبالي يارب”.

نصائح أسما

سبق وقدمت أسما نصائح لمتابعيها عبر حسابها على إنستجرام، عن أذكار الصباح مؤكدة أنها أهم شئ من أجل الحفاظ على الصحة النفسية والتخلص من الأفكار السلبية والسوداء.

ونشرت فيديو، وعلقت عليه: "الأذكار يا جماعة مش مجرد كلام بيتقال، دي سر راحة البال في يومنا، لما تبدأ يومك وتختمه بيها هتحس إن قلبك بيهدأ وتوترِك بيقل، كأنك لقيت مكان أمان جواك".

وتابعت: "الأذكار كمان بتبقى زي حصن حواليك يبعد عنك الحسد والشر والوساوس، وتفكرك إن كل حاجة بيد ربنا، وساعتها الصبر والرضا بيزيدوا، ولو الأفكار السودة مسيطرة عليك، هتلاقي الذكر بيكسر الدائرة دي ويفتحلك باب أمل".

وأكملت: "غير إنه بيشحن طاقتك: الصبح يديلك دافع تبدأ بيه يومك، وبالليل يقفل اليوم على هدوء وراحة، والأجمل إنك لما تردد حسبي الله، أو أعوذ بكلمات الله التامات، بتحس إنك في حماية ربنا ومفيش حاجة تخوفك".

واختتمت: "ومع التكرار، قلبك هيبقى دايمًا متعلق بربنا، وساعتها هتعيش بسكينة وراحة نفسية مش هتلاقيها في أي مكان تاني.. أذكار الصباح بعد الفجر لحد قبل الضهر".