• الرئيسية
• فن

في لقاء صريح وجريء على قناة TEN ضمن برنامج "بين السطور" مع الإعلامية يمني بدراوي، كشفت الفنانة سلوي محمد عن تفاصيل حياتها الشخصية والمهنية، ومخاوفها العميقة وتجاربها العائلية والفنية التي شكلت مسارها.

وأكدت سلوي أن بناتها لم يلتحقن بالمجال الفني قائلة: "بناتي اتعقدوا من الوسط الفني عشان كدا مشتغلوش في الفن، وبنصرف في الشغل على الشغل." وأضافت عن توأمها مريم ومي: "سبت الشغل واستمتعت بيهم، وبردو أتمنى يتجوزوا ويخلفوا. ممكن أوافق يتجوزوا من جنسية مختلفة لكن مش دين مختلف، ومفيش حاجة أقدر أحكم فيها بخصوص الخلفة."

تطرقت الفنانة أيضًا لفقدان زوجها، معتبرة أن رحيله كان صدمة كبيرة لها: "فقدت شريك حياة وصديق بعد رحيله." كما تحدثت عن وفاة والدتها بلهجة صادمة: "شوفتها وهي بتموت، وماكنش عندي أمل إنها تتحسن وكنت هادية، لكن أختي كانت بتصرخ في الدكتور: أنا مش بخاف من الموت، دي سنة الحياة."

كشفت سلوي عن اكتشاف إصابتها باضطراب فرط الحركة وتشتت الانتباه (ADHD) أثناء تصوير مسلسل «خلي بالك من زيزي»، مشيرة إلى خوفها من الأدوية والأمراض النفسية، ولكنها صرحت: "عرفت أني عندي مشكلة بعد تصوير المسلسل."

وأوضحت الفنانة شعورها بالصدمة خلال مهرجان الإسكندرية: "كاميرا كانت برا القاعة، واللي جواه القاعة مفروض ينقل اللي فوق المسرح، فجأة لاقيت 20 كاميرا موبايل في وشي واتخضيت."

كما كشفت عن رغبتها الخاصة بشأن جنازتها: "أنا قولت إني عايزة نعشي يخرج من المسرح القومي، ده تقليد كان موجود طول عمره، لكن غيرت رأي عشان متعبش أولادي في الزحمة."

وعن حياتها اليومية ومبادئها، قالت سلوي: "أنا شبه ستات مصر الأصلية، مش بحب البرندات وبشتري كل حاجة صناعة مصرية. طول عمري نفسي أتكلم فرنساوي." وعن علاقتها بالمجتمع: "أنا ست مش بعرف أرد، لكن مافيش مرة رديت غير لما ظلمت شخص. ولادي فخورين بيا، ودول بالنسبة ليا كفاية."

واختتمت حديثها بصراحة حول مخاوفها من الشيخوخة: "بخاف من تقدم العمر، ومبحبش أقف قدام المرايا."