صدمة أمل حجازي: أنا مش هرجع للحجاب… و”حجابك تاج” مش حقيقتي بعد دلوقتي
في لقاء صريح ومليء بالمشاعر مع الإعلامي نيشان في برنامج "neshan_x"، تحدثت الفنانة أمل حجازي عن دعمها الكامل لصديقتها الفنانة شيرين عبد الوهاب، مؤكدة أن شيرين هي صوت مصر الحقيقي وقالت:"شيرين أكتر حد بسمع له في مصر، زعلت كتير على اللي حصل معاها، ونفسي ترجع. حرام الصوت والإحساس ده، بقولها بصي على نفسك واتفرجي واسمعي الأغاني اللي الناس عشقتك من خلالها."
وأضافت أمل حجازي، التي عرف عنها حساسيتها وصدق مشاعرها:"شيرين فيها من شخصيتي، حساسة ومش مصطنعة، النوع ده من الأشخاص رقيق من جوه. انظلمت، بقولها قوي نفسك عشان ولادك وجمهورك. أنا من جمهورك وإن شاء الله ترجعلنا."
وعن لقب "صوت مصر"، قالت أمل بكل وضوح:"صوت مصر شيرين عبد الوهاب. أما أنغام، بحس لازم تنتبه لاختياراتها، لأن عندها إحساس ضايع بسبب بعض الاختيارات."
لكن الحديث لم يقتصر على شيرين، فقد كشفت أمل حجازي أيضًا عن خلعها للحجاب بطريقة صادمة وصريحة:"مش هرجع للحجاب، ولو كنت هرجع اتحجب مكنتش قلعته. قبل خطوة خلع الحجاب تأكدت هل الحجاب فريضة أم لا، وبالنسبة لي الحجاب ليس فرضًا."
وعن سبب ارتدائها للحجاب في السابق، قالت أمل:"موضوع الحجاب كان في فترة عايزة أتقرب من الله بعد المرض وبعد شفائي. المرض مش هو اللي خلاني أتحجب، كنت أسمع من ناس وكونت فكرة عن الدين لكن فعليًا ما قرأتش. وقتها خرجت من تجربة المرض وتعبانة نفسيًا، فكرت إن ده هو التقرب من الله إن أغطي شعري وأنعزل عن الناس."
أما عن أغنيتها الشهيرة "حجابك تاج"، أوضحت أمل:"جل من لا يخطئ بوقتها كانت قناعاتي، وغنيت الأغنية لكن دلوقتي مش بغنيها، وأشطبها من سجلي. لأن البنت ممكن تكون حلوة بالحجاب أو من غيره، والحجاب مش هو التاج الوحيد، ممكن يكون تاج المرأة أي حاجة تانية."