منال سلامة بصراحة تامة: دعم ابنتي والمرأة أولوياتي في الحياة والفن
أعربت الفنانة منال سلامة عن إعجابها الشديد بدورة مهرجان القاهرة السينمائي هذا العام، مؤكدة في لقاء مع كاميرا البيان نيوز أنها تحرص دائمًا على متابعة الورش والعروض السينمائية، وأضافت بابتسامة:"الدورة أكتر من رائعة… والحمد لله الأيام دي ما عنديش شغل، فبقدر أخطف فيلمين تلاتة كده وأستمتع بالمهرجان."
وكشفت منال عن أحدث أعمالها التلفزيونية، وقالت: "حالياً بصور مسلسل بعنوان أنا مش أنت… أنت مش أنا، العمل يتناول عالم الميتافيرس، وما أقدرش أحكي أكتر من كده، لكن إن شاء الله هيتعرض قريبًا."
وتطرقت للحديث عن ابنتها أميرة، مؤكدة فخرها بما وصلت إليه: "أميرة تعبت واتعلمت في كاليفورنيا، درست media and production، اتعلمت كل عناصر العمل الفني من التأليف والإخراج للمزيكا والسيناريو والصوت والمونتاج. هي مش جاية من فراغ، وعشان كده لازم أقف في ظهرها وأدعمها نفسيًا، وأقول لها لا تلتفتي لآراء الحاقدين والمتنمرين."
وعن دور المرأة في المجتمع، شددت منال على أهمية القوة والاستقلالية، قائلة: "أنا بدعم المرأة لأنها نصف المجتمع ولازم تبقى قوية… ربنا خلق المرأة قوية، وتعرف تعمل كل حاجة، فلازم ما تخافش وتعتمد على نفسها وتحافظ على أسرتها بنفس الوقت."
واختتمت حديثها بالحديث عن ذكرياتها مع مسلسل لن أعيش في جلباب أبي: "المسلسل ده تاريخ وجيل كامل، كل اللي كانوا فيه كانوا بيحبوا بعض بجد، ولسه لسة على تواصل وأصدقاء. بحبه جداً رغم وجود أعمال أهم منه، لكنه دايمًا بيتعرض ويسترجع الذكريات."