خالد الصاوي يكشف أسرار لم تُروَ عن سامح عبد العزيز: “كان بيجمعنا في حياته”
تحدث الفنان خالد الصاوي بصدق وحنين شديدين عن علاقته بالمخرج الراحل سامح عبد العزيز، مستعيدًا ذكريات عمرها سنوات منذ دراستهما في معهد السينما، رغم فارق السن بينهما.
وقال الصاوي إن سامح كان من الشخصيات القريبة لقلبه منذ اللحظة الأولى:“سامح الله يرحمه من الناس اللي أول ما تتعرف عليهم… ما تنساهوش. محب للحياة، للفن، للضحك، وللشجن اللي بيحرّك المشاعر.”
وأضاف أن وجوده اليوم يحمل معنى خاصًا له، لأن ثلاثة أسماء اجتمعت في هذه اللحظة — وكل اسم يحمل قيمة مختلفة:
“الاسم الأول طبعًا هو سامح… اللي كان دايمًا بيجمعنا وهو عايش، وبيجمعنا دلوقتي في حياته التانية. والاسم التاني جميلة… اللي ربنا يوفقها وإن شاءالله تفضل تجمعنا دايمًا.”
ثم خصّ بالذكر الفنان الكبير حسين فهمي، قائلاً:
“الاسم التالت اللي لازم أشكره… الأستاذ حسين فهمي. اسم مشرف للمصريين كلهم. طاقة وحيوية… وبيثبت إن العمر مش مقياس. مش معنى إنك صغير إنك مش ناضج، ولا معنى إنك كبير إنك مش شاب. الشباب روح… مش رقم.”
وأكد الصاوي أن الحياة والشباب مسؤولية مشتركة، وأن دعم الجيل الجديد واجب:
“لازم ناخد بالنا من الشباب… ومن الحياة… ولازم ناخد بالنا من جميلة.”
واختتم كلمته برسالة مؤثرة تعبّر عن عمق علاقته بالراحل:“سامح جمعنا زمان… وجميلة بتجمعنا النهارده… وإن شاءالله هنفضل متجمعين على طول.”