• الرئيسية
• فن

خرجت منة فضالي عن صمتها بعد حالة الجدل المثيرة على السوشيال ميديا بعد إعلان مى عز الدين خبر زواجها من الصيدلي أحمد تيمور.

وكتبت في تعليق عبر حسابها على موقع التواصل الاجتماعي فيس بوك: "إيه قمة الحقد ده والكلام غير المحترم؟ ما تسيبوا الناس في حالها! اللي يتجوز باركوا وقولوا كلمتين حلوين، واللي ينفصل نقول ربنا يهدي النفوس، إيه فجأة بقيتم بتفهموا وماشيين على الصراط المستقيم وأنتم كلكم عيوب؟". وتابعت: "إما نفضح ونغلط علشان نوصل ترند، أو نعمل حمامات سلام علشان تكسبوا الطرف الثاني. عالم منافقة وكدآبة، أعوذ بالله منكم. ليه ندخل في حياة الناس؟ ليه؟ إيه الحكمة؟ بتستفيدوا إيه بالغلط والشتيمة والفضايح؟".

وأكملت: "ليه مبتتمنوش الخير لغيركم؟ صفوا النية، خلي في قلوبكم شوية رحمة. محدش عايش في بيوتنا علشان تكتبوا وتتكلموا عننا. فلان اتجوز.. فلان طلق علشان فلان.. فلان كان مصاحب فلان.. أنتم مالكم؟ يا ساتر! الواحد قرف بجد."

من جهة أخرى، عبّرت منة فضالي عن سعادتها بالتعاون مع ياسمين عبد العزيز في مسلسل "وتنسى اللي كان"، المقرر عرضه في الموسم الرمضاني المقبل.