رسالة مؤثرة من عمرو أديب للأجيال الجديدة: “أنتم مش جايين من الحيط.. أنتم جايين من العظمة”
في لحظة صادقة ومليئة بالعفوية، خرج الإعلامي عمرو أديب بتصريحات قوية خلال حلقة برنامجه "الحكاية"، مؤكدًا أنه لا يسعى وراء التريندات كما يظن البعض، بل يسعى لتقديم ما يفيد الناس ويناقش قضايا حقيقية تمس المجتمع، سواء كانت سلبية أو إيجابية، مثل الحديث عن افتتاح المتحف المصري الكبير الذي اعتبره حدثًا وطنيًا عظيمًا.
وقال أديب خلال حديثه للجمهور: "أنا خلاص في آخر سنيني أو شهوري في العمل الإعلامي.. عملت كل حاجة الحمد لله، تحبني أو تكرهني، أنا كسرت أرقام قياسية، ولو دخلت موسوعة جينيس هيسجلوني كأكتر مذيع قدم ساعات توك شو في العالم، مش في الوطن العربي بس".
وأضاف أديب بنبرة فخر وحنين: "في حاجات لازم نوقف عندها، حاجات عظيمة فعلاً، زي اللي بيحصل دلوقتي في البلد. أنا اتربيت على كتب أنيس منصور، وكتاب لعنة الفراعنة كان سبب إني أحب التاريخ وأعرف قصة توت عنخ آمون. الجيل الجديد لازم يعرف قيمة الحاجات دي، مش كله روبلوكس وسوشيال ميديا.. إحنا جايين من تاريخ مش من فراغ".
وتابع الإعلامي الشهير حديثه موجّهًا رسالة مؤثرة للأجيال الجديدة: "أرجوكم أدوا نفسكم فرصة تعرفوا تاريخكم، إحنا بلد عظيمة ليها حضارة، وأنا الأسبوع اللي فات حاولت أديكم جرعة فخر تستحقوها، غير كده هتلاقوني برجع للنكد واللطميات".
واختتم أديب كلامه قائلاً بابتسامة: "أنا مش بدور على تريند.. عمرو أديب تريند لوحده، أنا بدور على محتوى يفيدكم، خلونا نفرح شوية قبل ما نرجع للنكد المعتاد".