طه الدسوقي: “السادة الأفاضل” حقق أمنيتي والعمل جماعي حقيقي مش بطولة فرد
كشف الفنان طه الدسوقي عن سعادته الكبيرة بالمشاركة في فيلم "السادة الأفاضل"، مؤكدًا أنه حقق له حلمًا طال انتظاره بالعمل مع المخرج كريم الشناوي والكاتب مصطفى صقر في عمل واحد.
وقال طه خلال لقائه مع الإعلامية لميس الحديدي في برنامج "الصورة" على شاشة "النهار":"كنت أتمنى من زمان أشتغل مع مصطفى صقر وكريم الشناوي، وكنت بحب الكوميديا اللي بيكتبها هو ومحمد عز، لأنهم ثنائي مميز جدًا ربنا حقق أمنيتي إن الاتنين يجتمعوا في فيلم واحد وأنا أكون جزء منه."
وعن سبب انجذابه للمشاركة في العمل، أوضح:"اللي شدني في الفيلم إنه عمل جماعي حقيقي، مش مجرد قصة بطل واحد. كل شخصية في الفيلم عاملة زي حلقة في عقد جميل، وكل واحدة مكملة التانية. غياب أي شخصية منهم كان هيأثر على الحدوتة ومش هيخليها تمشي لقدام."
كما أثنى طه الدسوقي على المخرج كريم الشناوي قائلاً:"الشناوي مخرج بيحب الممثلين جدًا، وبيعرف يوظف كل واحد في مكانه الصح، وبيخلي الممثل يحس إن اللي بيعمله له قيمة حقيقية. وأنا كنت فخور وأنا بشتغل معاه، لأنه بيخلي كل حد في الكاست حاسس إنه مهم."