متخفية..أحدث ظهور لـ أسما شريف منير على إنستجرام
شاركت أسما شريف منير متابعيها عدد من الصور الجديدة عبر حسابها الشخصي على موقع تبادل الصور و الفيديوهات الشهير انستجرام، وظهرت بإطلالة أنيقة تبرز جمالها.
رسالة سما المصري لـ أسما شريف منير
في لفتة لاقت تفاعلًا واسعًا على مواقع التواصل الاجتماعي، وجهت سما المصري رسالة إلى الإعلامية أسما شريف منير، عبّرت فيها عن إعجابها بإطلالة الأخيرة بالحجاب.
وقالت سما المصري في تعليق عبر حساباتها الرسمية: "أنتِ أحلى مني بالحجاب"، في إشارة إلى صورة نشرتها أسما مؤخراً بالحجاب، والتي حظيت بإشادة عدد كبير من المتابعين.
الرسالة جاءت في سياق من الدعم والإيجابية، وسط تفاعل لافت من المتابعين الذين أثنوا على المبادرة، معتبرين أنها تعكس روحاً طيبة بعيداً عن المقارنات أو الخلافات.
وقالت سما المصري : تعالي جنبي يا قلب أختك.. بس إنتي أحلى مني في الحجاب.. ربنا يثبتك ويثبتني.. خلي بالك هيقولوا ليكي إنتي لبساه تريند.
واضافت سما المصري : وهيقولوا ليكي لبساه بتتعايقي بيه.. ولبساه متاجرة بالدين.. وهيقولوا ليكي كل حاجة تحبطك وتضايقك.. اثبتي واوعي تسمعي كلام حد.. سيبك من ضعاف النفوس وكارهي الخير.. خليكي مع ربنا.
نصائح أسما شريف منير
سبق وقدمت أسما نصائح لمتابعيها عبر حسابها على إنستجرام، عن أذكار الصباح مؤكدة أنها أهم شئ من أجل الحفاظ على الصحة النفسية والتخلص من الأفكار السلبية والسوداء.
ونشرت فيديو، وعلقت عليه: "الأذكار يا جماعة مش مجرد كلام بيتقال، دي سر راحة البال في يومنا، لما تبدأ يومك وتختمه بيها هتحس إن قلبك بيهدأ وتوترِك بيقل، كأنك لقيت مكان أمان جواك".
وتابعت: "الأذكار كمان بتبقى زي حصن حواليك يبعد عنك الحسد والشر والوساوس، وتفكرك إن كل حاجة بيد ربنا، وساعتها الصبر والرضا بيزيدوا، ولو الأفكار السودة مسيطرة عليك، هتلاقي الذكر بيكسر الدائرة دي ويفتحلك باب أمل".
وأكملت: "غير إنه بيشحن طاقتك: الصبح يديلك دافع تبدأ بيه يومك، وبالليل يقفل اليوم على هدوء وراحة، والأجمل إنك لما تردد حسبي الله، أو أعوذ بكلمات الله التامات، بتحس إنك في حماية ربنا ومفيش حاجة تخوفك".
واختتمت: "ومع التكرار، قلبك هيبقى دايمًا متعلق بربنا، وساعتها هتعيش بسكينة وراحة نفسية مش هتلاقيها في أي مكان تاني.. أذكار الصباح بعد الفجر لحد قبل الضهر"
