رانيا فريد شوقي تكشف أسرار ذكرياتها في المعمورة
كشفت الفنانة رانيا فريد شوقي عن حبها العميق لمحافظة الإسكندرية، مؤكدة أن المدينة الساحلية تمثل لها جزءًا كبيرًا من حياتها وذكرياتها مع والدها الراحل فريد شوقي، الذي كان يعشق الإسكندرية ويقضي فيها أجمل أوقاته مع أسرته.
وقالت رانيا خلال لقائها في برنامج سبوت لايت مع الإعلامية شيرين سليمان على قناة صدى البلد: "إسكندرية ليها مكانة خاصة جدًا في قلبي، والجمهور هنا له طابع مختلف فاكرين كل أدواري، خصوصًا الأعمال اللي جسدت فيها بنت البلد الإسكندرانية زي (الصقر شاهين) و(قطة في سوق السمك)، اللي صورناه بالكامل في المينا عند الصيادين".
وأضافت رانيا:"الناس هنا بيحبوني حب كبير، وده جزء من محبتهم القديمة لبابا فريد شوقي، اللي كان بيعشق الإسكندرية جدًا. إحنا كان عندنا شاليه في المعمورة، وكنا بنقضي هناك كل الصيف بعد الدراسة.. كانت أحلى أيام حياتي".
وأشارت رانيا إلى أنها حرصت خلال زيارتها الأخيرة للإسكندرية لحضور أحد المهرجانات على تخصيص وقت للعودة إلى المعمورة، قائلة: "كل مرة أنزل فيها الإسكندرية لازم أزور المعمورة، مش بس عشان المكان، لكن عشان الذكريات.. هناك ضحكت وبكيت واتعلمت معنى الحنية اللي كان بيعيشها بابا وسطنا".