سما المصري ترد على شائعات خلع الحجاب: ”حسابي عند ربنا مش عندكم”
في بث مباشر جديد، خرجت الفنانة سما المصري لترد بحزم على ما تداوله البعض من شائعات حول خلعها الحجاب، مؤكدة أن ما يُنشر من مقاطع قديمة لا يعكس وضعها الحالي.
ووجهت سما المصري رسالة مباشرة لمتابعيها، شددت فيها على أن مسألة الحجاب تخصها وحدها وعلاقتها بربها، مطالبة بعدم التشكيك أو إعادة تداول فيديوهات قديمة بهدف إثارة الجدل.
وقالت المصري: "لو انا دلوقتي قلعت الحجاب قدامكم دلوقتي او قلعته امبارح او كمان ساعة او كمان يوم طرحه محطوطه علي الشعر بتتشال لو انا قلعتها في حد فيكوا هيقولي حاجه او في حد من النااس ليه انه يحاسبني اني قلعتها لا القانون هيحسبني اني لبست طرحه وقلعتها لا مين اللي هيحسبني ربنا انا بوجه كلامي دا للناس اللى بتنشر ليه فيديوهات قديمه وتقول اني قلعت الحجاب النهارده 26/9/2025 وانا لبسه الحجاب"
واضافت سما: " من يوم ما لبسته مشلتوش من علي راسي واللهى، انا حاسه ان في ناس متربصه ان انا هقلع الحجاب امتا اكتر ما هي بتسال هي مصر هتحارب ولا مش هتحارب حرام عليكم اتقوا الله انا مش هقولكم دا عيب دا حرام وانا لما طلعت في اول فيديو وعيطت لا كنت طالبه الناس تسامحني ولا طالبه تصدقني او متصدقنيش انا طالبه من الناس حاجه وحده بس لو سمحت شيلو اى فيديو قديم ليا، لكن انت جاي دلوقتي تشير الفيديوهات القديمه اللى بشعري عشان تشكك ان انا قلعت الحجاب وتشكك الناس فيا انا لا يعنيني الناس تصدق ولا متصدقش هي الناس لما تصدق ان انا لابسه الحجاب وتقول برافو هدخلني الجنه، او لما مش يصدقوني دا هيدخلني النار "
واستكملت سما: " انا قبل ما اضحك علي الناس هكون بضحك علي ربنا، هل انا اقدر اعمل كدا وكل دا عشان اى عشان ميشيتوا ورا كلام واحد شتم وعمل كدا، انا مفوضه امر فيه لله ومش عاوزه اقاضيه تاني عشان شغلي، وعشان الدوشه والشوشرة متأثرش علي شغل كل دا عشان هو طلع شتم وشكك في علاقتي بربنا وربنا هيحسبوا علي دي كمان، زي ما سبني وشهر بيا ودخل بيني وبين ربنا وعلاقتي بيه ربنا هيحسبه محدش ينفع ما بين العبد وربه "
واختتمت سما المصري: "انا عاوزه اقول للناس دي عيب عيب وحرام تشككه في علاقتي بربنا افضلوا نزلوا في الفيديوهات القديمه وانتوا هتاخدوا ذنوب انا بكلم الناس اللي بتحبني انا وحده ست ربنا انعم عليا بالحجاب وانا مكنتش اعرف اني هتهاجم لما البس الحجاب، ليه كل دا عشان واحد قال كلمتين وانتوا ميشتوا وراه هو اللى يسكت ومش يرد ويشرشح زي ما هو بيعمل غلط انا مش هسمحه هو او اى حد بيرمي حجابي بالباطل وجمعه مباركه عليكم جميعا".