• الرئيسية
• فن

أعلن مطرب المهرجانات مسلم منذ قليل، خبر طلاقه من زوجته يارا تامر عبر حسابه بموقع فيسبوك.

مسلم يعلن انفصاله عن يارا تامر

وكتب مسلم : "تم الطلاق بيني وبين مراتي ودا بسبب مشاكل أهلي وفضحتني قدام الناس حسبي الله ونعم الوكيل في اللي كان السبب وخلي بينا مشاكل وكلام زي الزفت في السمعة والشرف والاعراض".

وأضاف: "حلم وحدها انها تعيش مبسوطه لا أكثر ولا أقل ومش مسامح أختي ولا أمي ولا أخواتي كلهم بجد على كل حاجه وصلوني ليها، أنا بجد بعد الست دي مفيش ست هتخش حياتي تاني وشكرا اوي علي الظروف".

تعليق يارا تامر علي طلاقها من مسلم

كما علقت يارا تامر على طلاقها من مسلم، وكتبت ستوري عبر حسابها على إنستجرام: تم الطلاق بيني وبين مسلم وبجد حسبي الله ونعم الوكيل فيكم ربنا ينتقم منكم، وأنا عارفه إني مكنش المفروض أطلع أتكلم بس أنا معنديش حاجة أغلى من كرامتي وشرفي قدام الناس.

وأضافت: أنا أهو بعدت يمكن ترتاحوا وتسيبوني في حالي، للعلم أنا من يوم ما اتجوزت مسلم كانت هي دي مشاكلنا غير كده مكانش فيه أي مشاكل بينا، وشهادة حق عمره ما زعلني وكان دايما واقف في ضهري بس أنا اتظلمت كتير ومش مسامحه.

يُذكر أن آخر أعمال مسلم كانت أغنية "السكة اللي تودي"، وديتو أنا بابا مع المطربة بوسى، أغنية "شافوني غلط" التي طرحت عبر موقع "يوتيوب"، من كلمات وألحان حسن جمال، وتوزيع وميكس وماستر رامي المصري.