فاطمة الكاشف في حوار مع دعاء مجدي: ”التمثيل مش مرض... واللي يروح لطبيب نفسي بيبالغ!”
عبّرت الفنانة فاطمة الكاشف عن رأيها الواضح والصريح بخصوص الجدل الدائر حول تأثر بعض الفنانين نفسيًا بسبب الأدوار التي يجسدونها، مؤكدة أن التمثيل لا يستدعي الذهاب لطبيب نفسي.
وخلال ظهورها في برنامج "هي والنجوم" مع الإعلامية دعاء مجدي، قالت الكاشف:
"فيه ناس بتضخم الأمور... ممكن الدور يسبب ضغط أو إرهاق بسيط، لكن ده لا يبرر زيارة طبيب نفسي. اللي يعمل كده بدون سبب فعلي، يبقى بيبالغ أو بيتهيأ له!"
وفي سياق آخر، أعربت الكاشف عن سعادتها الكبيرة بتكريمها في مهرجان همسة للآداب والفنون، وقالت:
"مهرجان محترم يقدّر الفن والفنانين... وكل الشكر للأستاذ فتحي الحصري والقائمين على المهرجان."
كما وجهت انتقادات لاذعة لبعض المحتويات المنتشرة على مواقع التواصل الاجتماعي، خاصة "تيك توك"، مؤكدة:
"أنا بقدم محتوى بسيط جدًا، ومابطلعش لايف أبدًا، طلعت مرة واحدة بس وقت عرض المسلسل... لكن اللي بيحصل دلوقتي على السوشيال ميديا بقى مبالغ فيه جدًا."